Lou jour dis àvi : De la bello Prouvènço au sant Paradis....

Quand li savent d'alin, embria de crésenço / Davalon tou, sant Crist e renègon soun noum / Escouto, o Segnour Dièu, toun pople de prouvènço / Que t'aubouro uno crous e te prègo a geinoun.

Tu que boufes l'aurasso a la planuro immenso, / Boufo la fè vivènto i cor que n'an bésoun / Tu que fas trelusi toun soulèu eilamount / Fai lusi l'espéranço au front de la jouvènço.

Aparo, o santo Crous, la Franço, noste nis, / Assousto de ti bras la Glèiso, nosto maire, / E, dins l'eternita quand pièi faudra se fàire, 

Douno au roumiéu fidèu que vers tu se grandis / La gràci de passa, coume an passa si pàire, / De sa bello Provènço a toun Sant paradis

Au bout de la nuit, il n'y a pas la nuit...

Au bout de la mort, il n'y a pas la mort.....